🌻Дыскусія ў Вільні, гранты на раследаванні, школа «Правы чалавека ў дзеянні»

Aug 07, 2025

Вітаем, калегі і каляжанкі!

Важна. Мы рады, што Вы нас чытаеце! Яшчэ больш асалоды для нас — вашыя каментары, заўвагі, пытанні і падтрымка!

Калі гэты ліст раптам трапіў у тэчку СПАМ, просім вас пазначыць яго як “не спам” у наладах ліста ў вашым паштовым сэрвісе. Гэта дазволіць нам даносіць вам інфармацыю без перашкодаў.

Калі ж па нейкіх прычынах вы вырашылі перастаць нас чытаць — наверсе і ўнізе ліста ёсць спасылка Unsubscribe. Мы не хочам дакучаць тым, каму мы не патрэбныя, і просім не адпраўляць нас у спам, а проста адпісацца.

А ў сённяшняй жнівеньскай рассылцы расказваем, ці заб’е штучны інтэлект працу навіншчыкаў, які лёс чакае беларускую старонку латвійскага сайта LSM+ — нядаўна мы пра іх пісалі — і чарговы тэкст з праекту «Без нас вы б не ведалі…». Сёння — пра «Бюро»!

Падтрымаць нас па-ранейшаму можна ТУТ.

Штучны інтэлект у працы медыя: за і супраць

Ці заб’е штучны інтэлект працу навіншчыкаў? Ці зможа ШІ дапамагчы рэдакцыям зарабляць грошы і пісаць грантавыя заяўкі? Пра гэта падчас дыскусіі 2 жніўня ў Беластоку спрачаліся Аляксей Шота, Ірына Новік і іншыя беларускія журналісты.

Падрабязнасці

Які лёс чакае беларускую старонку латвійскага сайта LSM+?

Праўленне латвійскага грамадскага навінавага партала LSM выпрацавала стратэгічныя прыярытэты на 2026–2029 гады. Паводле дакумента, кантэнт на замежных мовах — англійскай, рускай, украінскай – будзе стварацца і распаўсюджвацца толькі ў лічбавым асяродку.
Беларускамоўная версія сайта, выглядае, дажыве толькі да канца гэтага года, бо ў новай стратэгіі беларуская мова нават не згадваецца.

Падрабязнасці

«Бюро Медыя»: Людзі не перастаюць дзяліцца інфармацыяй, бо ім баліць

«Бюро Медыя» — каманда беларускіх журналістаў-расследавальнікаў. Яны выкрываюць тых, хто выкарыстоўвае грошы і ўладу на шкоду грамадству. «Бюро» піша пра карупцыю, абыход санкцый і іншыя парушэнні законаў. Каб потым гэтай інфармацыяй магло скарыстацца грамадства — дзеля пераменаў да лепшага.